Mbulueshmëria me vaksinimin për fëmijët 0 - 24 muaj
Të dhënat e paraqitura në grafikon tregojnë një përmirësim të përgjithshëm të mbulueshmërisë me vaksinim në vitin 2025 krahasuar me vitin 2024 për shumicën e antigjeneve të kalendarit të rregullt. Vërehet rritje e dukshme te dozat bazë të DTaP-IPV-Hib (doza 1, 2 dhe veçanërisht doza 3, nga 80% në 90%), si dhe te vaksinat Rota, PCV dhe doza përforcuese DTaP-IPV-Hib-R1, e cila shënon rritje nga 52% në 66%. Një përmirësim i konsiderueshëm evidentohet edhe te PCV3, nga 60% në 82%, duke reflektuar përpjekje të shtuara për plotësimin e skemës së vaksinimit. Përjashtim bën MMR1, ku vërehet një rënie e mbulueshmërisë nga 89% në 82%, çka tregon nevojën për analiza shtesë dhe ndërhyrje të synuara për rritjen e vaksinimit kundër fruthit, shytave dhe rubellës. Në tërësi, trendi pozitiv në vitin 2025 dëshmon për forcimin e shërbimeve të imunizimit, ndërgjegjësimin më të madh të popullatës dhe angazhimin institucional për rritjen e mbrojtjes ndaj sëmundjeve vaksinë-parandaluese.